محمد الشرقاوي/////

صوت العبيد
_________________
بين الحقيقة واللسان
جدران حديد
كتمت على مر الزمان
صوت العبيد
والحلم تاه عن سكته
والقلب داب من غربته
حتى اللى عايش وحدته
خايف أكيد
غاب القمر
قبل الأوان
لون الخطر
مالى المكان
والزهر حابس دمعته
طالب أمان
كلمة مجاملة يا غبى
تقتل صبى
تدبح بلابل غردت
باسم النبي
نادت على كل البشر
يا أهل ديني و مذهبى
الرب واحد والوطن
طالب رجال وقت المحن
بالفكر والإخلاص فى يوم
يقدر يكون جنة عدن
لو بس غاب عنا الطمع
لو بس ضاع منا الجشع
نقدر نعيش
ونكون حقيقى مجتمع
دايمأ سعيد
والكل حاسس بالأمل
والدنيا عيد
بين الحقيقة واللسان
جدران حديد
كتمت على مر الزمان
صوت العبيد
__________________
شعر /محمد الشرقاوى