ياثمرة المعبود ابيض ورقها
ابرحلة الاسراء محمد قطفها
وبصلبه هي حوراء نطفه امرها
رب الجلال اتصير بخديجه الها
سلوه على النسوان الجافن مثلها
اربع نساء الكون حضرن لامرها
طلعت على الارضين ساجد جبينها
واصبعها اشر فوگ للعالي ربها
بالبعثه خمس سنين جمادي اخرها
عشرين منه ايام انولدت بخدرها
هي فاطمه تدرون فطمت الالها
من نار الجبار لن غاضب الغضبها
حجة رب الكون ياهو المثلها
سيدة على النسوان اولها وآخرها
ذرية سيد الآل محمدنا منها
الله خصه بهاي يجمع شملها
ام الحسن وحسين ومحسن جنينها
وام زينب وعباس لن كافل خدرها
هي آيه للاكوآن طاهر فمها
من ترتل الايات الاملاك تنصت الها
الشمس لو ما تغيب تحرگ خضرها
عشرين ماهو تمام اطوت عمرها
ذوب برسول الله وبالله الخلقها
اجيآل بعد اجيآل ما اندلت قبرها
لن للجنان تروح حتى الظلمها
وصت علي الكرار لمن حضرها
يدفنها ليل سدول ويخفي اثرها
المهدي من يصول ويوضح امرها
يزور الاجيال التعرف قدرها
ياربنا ندعي انول شفاعة امنا
فاطمة الزهراء البتول الحوراء الانسيه
الصديقة الطاهرة الزكية العالمة صفاتها
بقلم قاسم رحيم المظلوم
جماهير الاصلاح/العراق
ليست هناك تعليقات:
إرسال تعليق